Vila tradicionalmente vencellada á industria conserveira, baleeira e pesqueira.

Hoxe en día é o centro comarcal de negocios, foco atractor de investimento e traballadores cualificados, sendo un dos poucos concellos do país que gaña poboación.

Acerca do Concello de Cee

Subscribirse ó boletín

 

Para poñer un gran peche ó mes de agosto

26/08/2016 -

 

Venres 26 ás 20.30 horas. Novo circo. PistaCatro: Totum Revolutum Totum Revolutum é unha disparatada viaxe a través das diferentes modalidades de circo, desde os clásicos aos contemporáneos pasando polos rexistros máis de rúa e participativos. 

Sábado 27 ás 22.00 horas. Teatro de Rúa. Os Quinquilláns: Simbad e a serea. A compañía “Os Quinquilláns” reflexiona nesta obra orixinal sobre o mundo do traballo no mar desde o punto de vista do realismo máxico. Trátase dun espectáculo donde Tero Rodriguez (Serea, mariscadora) e Lucho Penabade (Simbad) animan á participación do público a través da manipulación de obxectos e dunha excursión mergullándose tras unha gran balea branca inchable.

Domingo 28 ás 22.00 horas. Novo circo. Asacocirco: Circo de lume Un espectáculo de pura acción, que ten como obxetivo manter a atención ao 100% e impresionar ao público. "Circo de lume"é un espectáculo para todos os públicos, ideal para a noite. Consta de emocionantes números, que mesturan técnicas de danza con malabarismos, manipulación, pirofaxia...

Luns 29 ás 20.30 horas. Novo circo. PistaCatro: Bicirco Un Circo que viaxa sobre tres rodas. Un Biciclo do século pasado transformado nun espectáculo ambulante. Un circo sostible, que non emite gases nin polución, alternativo, funcional, autopropulsado e ben equilibrado. Dimitri Cavalli é unha excéntrica personaxe, de múltiples personalidades. 

Martes 30 ás 20.30 horas. Teatro. Ghazafelhos: As mil e unha noites Tres actores do lonxano oriente veñen a contar a historia de Sherezade e de cómo ó seu inxenio logrou cautivar a un dos Sultáns máis despiadados de toda Persia. As mil e unha Noites!! Subidos en zancos, e con aspecto de xenios convidan ó publico que se acomode ó redor do carromato que, transfórmase en escenario-escenografía en cuestión de segundos.

   

Ernesto Chao, Mela Casal,Triatreros, Quico Cadaval e Celso Sanmartín nas últimas xornadas de Á EsCEEna!

23/08/2016 -

  Á EsCEEna! pasou o ecuador desta edición. Funcións ás 21.30 horas con entradas a 7 € e bonificadas a 5 € estudantes, pensionistas e desempregados.

Martes 23: Noiteboa. Escrita por Borja F. Caamaño e Álex Sampayo e, dirixida por este múltimo chega a Cee esta traxicomedia, que conta no seu reparto con Mela Casal, Ernesto Chao e Guillermo Carbajo. É tempo de Nadal en Compostela con todo o que eso conleva: os agasallos, as panxoliñas, as ceas en familia e o xa tradicional rapto do Neno Xesús da Praza do Obradoiro. Ninguén debería cear só en Noiteboa e por iso Mariví fará todo o posible para que durante unhas horas, Arturo, Nico e máis ela sexan unha familia de verdade. A obra acaba de ganar o premio María Casares 2016 na categoría de actriz principal (Mela Casal).

Mércores 24: Impronews. O último gran éxito da compañía Triatreros. … Que pasará? Realmente nin eles mesmos o saben xa que o seu espectáculo é totalmente improvisado!Antes do comezo da función o público recortará noticias reais e inventará as súas propias, a partir deste material 3 hipervitaminados reporteiros darán vida o material en forma de escenas humorísticas e hiperbólicas que divertirán o público asistente. O espectáculo conta tamén cun incandescente mestre de cerimonias que conducirá o espectáculo, animará o público e poñerá obstáculos os improvisadores. Politicamente incorrectos e divertidos os Triatreros voltan a Cee despois do éxito acadado o ano pasado.

Xoves 25: Os contos de Joselín. Historias de mortos, de caciques, de curas, de personaxes singulares… Baseado no libro Os contos de Joselín. Primeiros documentos sonoros do teatro galego (1929-1954). Un espectáculo de aCentral Folque que fai estalar o riso en todas as xeracións, dos maiores aos máis pequenos, sen distición cos contadores -e cantadores- Quico Cadaval, Celso F. Sanmartín e Jose Luis Gutiérrez “Guti”.

   

Brigada incendios 2016. Puntuacions totais e seleccionados

22/08/2016 -

BRIGADA DE PREVENCIÓN E DEFENSA CONTRA INCENDIOS FORESTAIS.

PUNTUACIÓNS TOTAIS E CANDIDATOS SELECCIONADOS

Vistas as puntuacións obtidas na proba de aptitude física e nas fases de concurso e oposición, as puntuacións totais que os aspirantes obteñen no proceso selectivo son as que detalla o cadro seguinte:

  Puntuacións totais capataz.

  Puntuacións totais peón e peón-condutor.

O tribunal propón a selección dos candidatos seguintes candidatos:

Seleccionados capataz

Seleccionados peón e peón-condutor.

 As reclamacións poderán presentarse entre o 23/08/2016 e o 25/08/2016 no rexistro municipal ou por calquera dos medios que establece o artigo 38.4 da Lei 30/92, de 26 de novembro, de réxime xurídico das administracións públicas e do procedemento administrativo común como alternativa á presentación no rexistro municipal, neste último caso deberase adiantar por fax resgardo de ter presentado dita documentación dentro do prazo de presentación de reclamacións.


 

   

Brigada incendios 2016: Resultados fase oposicon

22/08/2016 -

BRIGADA DE PREVENCIÓN E DEFENSA CONTRA INCENDIOS FORESTAIS.

RESULTADOS DA FASE DE OPOSICIÓN

 Os resultados da fase de oposición, consistente na realización polos aspirantes dunha proba escrita de 30 minutos de duración na que deberon responder un cuestionario tipo test de 19 preguntas (15 principais e 4 preguntas de reserva), son os seguintes:

Capataz

Peón e Peón-condutor.

 


 

   

Páxina 1 de 29